កំពង់ចាម ៖ ឯកឧត្តម អ៊ុន ចាន់ដា អភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត អមដំណើរដោយមន្ត្រីពាក់ព័ន្ធ និងអាជ្ញាធរមូលដ្ឋាន នាព្រឹកថ្ងៃទី១៤ ខែធ្នូ ឆ្នាំ២០២១នេះ បានអញ្ជើញចូលរួមពិធីប្រគល់-ទទួលសមិទ្ធផល នៃគម្រោងកែលម្អមន្ទីរពេទ្យបង្អែកស្រុកជើងព្រៃ ស្រីសន្ធរ និងស្រុកកងមាស សម្រាប់ឆ្នាំ២០២១ សរុបថវិកាប្រមាណជា ៥៦ម៉ឺនដុល្លារ។ ក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងអំណរគុណយ៉ាងជ្រាលជ្រៅ ចំពោះសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលបានជួយការកែលម្អអគារ និងសំណង់ហេដ្ឋារចនាសម្ព័ន្ធ បំពាក់សម្ភារបរិក្ខារបម្រើឲ្យមន្ទីរពេទ្យបង្អែកស្រុកទាំង៣ ខាងលេី។ គួរបញ្ជាក់ថា ការប្រគល់-ទទួលនេះ បានធ្វើឡើងរវាងសមាគមសាសនាចក្រនៃព្រះយេស៊ូគ្រិស្ត នៃពួក បរិសុទ្ធថ្ងៃចុងក្រោយ ដែលជាភាគីផ្ដល់ជំនួយ តំណាងដោយលោក សៀ សំណាង ប្រធានសមាគម និងរដ្ឋបាលខេត្តកំពង់ចាម ជាភាគីទទួលជំនួយ តំណាងដោយលោក គឹមសួរ ភីរុណ ប្រធានមន្ទីរ សុខាភិបាលខេត្តកំពង់ចាម ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត។ សម្រាប់មន្ទីរពេទ្យបង្អែកស្រុកជេីងព្រៃ មានទំហំទឹកប្រាក់ចំនួន ២២១,៩៣៣៦៩ដុល្លារ (ពីររយម្ភៃមួយពាន់ ប្រាំបួនរយសាមសិបបីដុល្លារ និងហុកសិបប្រាំបួនសេន) ក្នុងនោះបានធ្វើការកែលម្អអគារ សំណង់ហេដ្ឋារចនាសម្ពន្ធ គិតជាថវិកាចំនួន ១៥៩,៩០៩.៧៩ដុល្លារ (មួយរយហាសិបប្រាំបួនពាន់ប្រាំបួនរយប្រាំបួនដុល្លារ និងចិតសិបប្រាំបួនសន) និងបំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ៣៤មុខ ស្មើនឹង ១៨៤គ្រឿង គិតជាថវិកាចំនួន ៦២,០២៣.៩០ ដុល្លារ (ហុកសិបពីរពាន់ម្ភៃបីដុល្លារ និងកៅសិបសេន)។មន្ទីរពេទ្យបង្អែកស្រុកស្រីសន្ធរ មានទំហំទឹកប្រាក់ចំនួន ២៦០,៥៩៩.៧៧ ដុល្លារ (ពីររយហុកសិប ពាន់ប្រាំរយកៅសិបប្រាំបួនដុល្លារ និងចិតសិបប្រាំពីរសេន) ក្នុងនោះកែលម្អអគារ និងសំណង់ហេដ្ឋារចនាសម្ពន្ធ គិតជាថវិកាចំនួន ១៥៩,៧០៧១១ដុល្លារ (មួយរយហាសិបប្រាំបួនពាន់ប្រាំពីររយប្រាំពីរដុល្លារ និងដប់មួយសេន) និងបំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ៣០មុខ ស្មើនឹង ៥៩គ្រឿង គិតជាថវិកាចំនួន ១០០,៨៩២៦៦ ដុល្លារ (មួយរយ ពាន់ប្រាំបីរយកៅសិបពីរដុល្លារនិងហុកសិបប្រាំមួយសេន)។មន្ទីរពេទ្យបង្អែកស្រុកកងមាស មានទំហំទឹកប្រាក់ចំនួន ៧៥,៣៥៨ ដុល្លារ (ចិតសិបប្រាំពាន់បីរយ ហាសិបប្រាំបីដុល្លារ) ក្នុងនោះកែលម្អអគារ សំណង់ហេដ្ឋារចនាសម្ព័ន្ធ គិតជាថវិកាចំនួន ៤២,៣៨០ ដុល្លារ (សែសិបពីរពាន់បីរយប៉ែតសិបដុល្លារ) និងបំពាក់សម្ភារៈ បរិក្ខារបម្រើឲ្យមន្ទីរពេទ្យ ចំនួន ១មុខ ស្មើនឹង ១ គ្រឿង គិតជាថវិកាចំនួន ៣២,៩៧៨ ដុល្លារ (សាមសិបពីរពាន់ប្រាំបួនរយចិតសិប ប្រាំបីដុល្លារ)៕ប្រភព៖ រដ្ឋបាលខេត្តកំពង់ចាម
ព័ត៌មានគួរចាប់អារម្មណ៍
លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់ (កូនខ្មែរមានរស្មី)
ឯកឧត្តម គួច ចំរើន ដឹកនាំមន្ត្រីជំនាញពាក់ព័ន្ធ អញ្ជើញចុះពិនិត្យមើលទីតាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពីប្រសិទ្ធិភាព នៃការចម្រោះទឹកកខ្វក់ មុនបង្ហូរចូលទៅក្នុងសមុទ្រ (កូនខ្មែរមានរស្មី)
លោកឧត្តមសេនីយ៍ត្រី បោន ប៊ិន ក្រើនរំលឹកដល់ថ្នាក់ដឹកនាំទទួលជំនាញ និងមូលដ្ឋានក្រុង-ស្រុក ត្រូវជំរុញកម្លាំងក្រោមឱវាទឱ្យខិតខំបន្ថែមទៀត ក្នុងការបំពេញតួនាទី-ភារកិច្ច របស់ខ្លួនតាមថ្នាក់លើប្រគល់ជូន (កូនខ្មែរមានរស្មី)
បិតខ្ទប់ផ្សារសមាគម ក្នុងសង្កាត់ប៉ោយប៉ែត ជាបណ្តោះអាសន្ន ក្រោយពីរកឃើញអ្នកវិជ្ជមានជំងឺកូវីដ១៩ ជាង១០នាក់ (កូនខ្មែរមានរស្មី)
កម្មករខ្មែរ ដែលមានជីវភាពខ្វះខាត ចំនួន៥៤គ្រួរសារ ដែលកំពុងឋិតនៅក្នុងតំបន់បិទខ្ទប់ក្នុងភូមិសាស្ត្រផ្សាររោងក្លឿ ប្រទេសថៃទទួលបានអំណោយពីក្រុមអាជីវករ តាមរយះ លោក ហ៊ឹម សុវណ្ណ (កូនខ្មែរមានរស្មី)
វីដែអូ