ថ្ងៃពុធ ទី២០ ខែតុលា ឆ្នាំ២០៥០
ទំនាក់ទំនង ចាងហ្វាងការផ្សាយ!
ឯកឧត្តម សេង ឈួន និងឯកឧត្តម ងួន រតនៈ អញ្ជើញជាគណៈអធិបតីក្នុងពិធីបើកដំណើរការស្ថានីយ៍ថ្លឹងរថយន្តអចល័តបណ្ដោះអាសន្ន ដើម្បីទប់ស្កាត់ការដឹកជញ្ជូនលើសទម្ងន់ និងធ្វើការប្រកាសតែងតាំងក្រុមការងារទទួលខុសត្រូវនៃស្ថានីយ៍ពុកឆ្មា
Mon,23 August 2021 (Time 07:37 PM)
ដោយ ៖ (ចំនួនអ្នកអាន: 36នាក់)

នៅព្រឹកថ្ងៃចន្ទ ១៥កើត ខែស្រាពណ៌ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៣ ខែសីហា ឆ្នាំ២០២១ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជាគណៈអធិបតីក្នុងពិធីបើកដំណើរការស្ថានីយ៍ថ្លឹងរថយន្តអចល័តបណ្ដោះអាសន្ន ដើម្បីទប់ស្កាត់ការដឹកជញ្ជូនលើសទម្ងន់ និងធ្វើការប្រកាសតែងតាំងក្រុមការងារទទួលខុសត្រូវស្ថានីយ៍ពុកឆ្មា ស្ថិតនៅលើកំណាត់ផ្លូវជាតិលេខ៥ ត្រង់ចំណុចគីឡូម៉ែត្រ២៨១+៥០០ ក្នុងភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង ។
ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានមានប្រសាសន៍ថា ដើម្បីចូលរួមអនុវត្តការងារនេះប្រកបដោយតម្លាភាព ជាក់ស្ដែងក្រុមការងារនៃស្ថានីយ៍ថ្លឹងយានយន្តនេះ ត្រូវតែមានភាពស្មោះត្រង់ និងមានទំនួលខុសត្រូវខ្ពស់ ត្រូវអនុវត្តទៅតាមច្បាប់ដែលបានកំណត់ ដោយមិនត្រូវគិតថាជាសាច់ញាតិ ក្រុមបក្សពួក ឬអ្នកធ្លាប់ស្គាល់ឡើយ ជារួមគឺគ្មានការលើកលែងឡើយដល់អ្នកដែលប្រព្រឹត្តខុសច្បាប់ដែលបានកំណត់ ។ ឯកឧត្តម ក៏បានបន្តផងដែរថា ប្រសិទ្ធិភាពនៃការងារនេះ ក៏ទាមទារឲ្យមានការចូលរួមសហការពីគ្រប់កម្លាំងទាំងអស់ មិនថាកម្លាំងសមត្ថកិច្ច ឬកម្លាំងកងរាជអាវុធហត្ថឡើយ គឺត្រូវតែមានការសហការទាំងអស់គ្នា ទើបការអនុវត្តការងារថ្លឹងរថយន្តនេះ មានប្រសិទ្ធិភាពបានមួយកម្រិតទៀត ។
គួរបញ្ជាក់ផងដែរថា ស្ថានីយ៍ពុកឆ្មា-ខេត្តបាត់ដំបង នឹងចាប់ផ្ដើមដំណើរការថ្លឹងសាកល្បងរថយន្តដឹកជញ្ជូនធុនធ្ងន់ទាំងអស់ ក្នុងរយៈពេល១៤ថ្ងៃ ចាប់ពីថ្ងៃទី២៣ ខែសីហា ដល់ថ្ងៃទី០៥ ខែកញ្ញា ឆ្នាំ២០២១ និងអនុវត្តវិធានការផាកពិន័យចំពោះរថយន្តដឹកជញ្ជូនទម្ងន់កម្រិតកំណត់តាមបទប្បញ្ញត្តិនៃច្បាប់ជាធរមាន ចាប់ពីថ្ងៃទី០៦ ខែកញ្ញា ឆ្នាំ២០២១ខាងមុខនេះ ៕

ព័ត៌មានគួរចាប់អារម្មណ៍

លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប​ ចុះពិនិត្យបទ​ល្មើស​តាមព្រំដែន និងស្ថានភាពទឹកជំនន់ (កូនខ្មែរមានរស្មី)

ព័ត៌មានគួរចាប់អារម្មណ៍

ឯកឧត្តម គួច ចំរើន ដឹកនាំមន្ត្រីជំនាញ​ពាក់ព័ន្ធ អញ្ជើញចុះពិនិត្យមើលទី​តាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពី​ប្រសិទ្ធិភាព​ នៃការចម្រោះ​ទឹកកខ្វក់ មុ​នបង្ហូរចូលទៅក្នុងសមុទ្រ (កូនខ្មែរមានរស្មី)

ព័ត៌មានគួរចាប់អារម្មណ៍

លោក​ឧត្តមសេ​នីយ៍ត្រី បោន ប៊ិន​ ក្រើន​រំលឹ​កដ​ល់​ថ្នាក់​ដឹកនាំ​ទទួលជំនាញ និងមូ​ល​ដ្ឋានក្រុង-ស្រុក ត្រូវ​ជំ​រុញ​កម្លាំង​​ក្រោម​ឱវា​ទឱ្យ​ខិត​ខំបន្ថែម​ទៀត ​ក្នុងកា​របំពេញតួនាទី-​ភារ​កិច្ច របស់​ខ្លួន​តា​មថ្នាក់​លើ​ប្រ​គល់ជូន (កូនខ្មែរមានរស្មី)

ព័ត៌មានគួរចាប់អារម្មណ៍

បិត​ខ្ទប់ផ្សារ​សមា​គម ក្នុង​សង្កាត់​ប៉ោ​យប៉ែត ជាបណ្តោះអា​សន្ន ក្រោ​យពីរ​កឃើញអ្ន​កវិជ្ជ​មា​នជំងឺ​កូ​វីដ១៩​ ជាង​១០​នាក់ (កូនខ្មែរមានរស្មី)

ព័ត៌មានគួរចាប់អារម្មណ៍

កម្មករ​ខ្មែរ ដែល​មា​​នជីវភាពខ្វះខាត ចំនួន៥៤គ្រួរសារ ដែល​កំពុង​ឋិត​នៅក្នុង​តំបន់​បិ​ទខ្ទ​ប់ក្នុងភូមិ​សាស្ត្រ​ផ្សាររោងក្លឿ ប្រទេសថៃទទួលបា​នអំណោយ​ពីក្រុម​អាជីវករ តាមរយះ លោ​ក ​ហ៊ឹម​ សុវណ្ណ (កូនខ្មែរមានរស្មី)

វីដែអូ