ខេត្តបន្ទាយមានជ័យ៖ក្រោយរកឃើញករណីអាជីវករលក់ដូរនៅក្នុងផ្សារសមាគម ស្ថិតនៅក្នុងភូមិចាន់គីរី សង្កាត់/ក្រុងប៉ោយប៉ែត ខេត្តបន្ទាយមានជ័យ ជាង១០នាក់មានផ្ទុកវិជ្ជមានជំងឺកូវីដ-១៩ និងអ្នកពាក់ព័ន្ធជាច្រើនទៀតនោះ នៅល្ងាចថ្ងៃ១៣ ខែកញ្ញា ឆ្នាំ២០២១ អាជ្ញាធរក្រុងប៉ោយប៉ែត បានដឹកនាំកម្លាំងចុះហ៊ុំព័ទ្ធទីតាំងដែលជាប់ពាក់ព័ន្ធ ពោលគឺនៅជំវិញផ្សារតែម្តង។ជុំវិញបញ្ហាខាងលើនេះលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានបា្រប់ឲ្យដឹងតាមទូរស័ព្ទថា អ្នកដែលផ្ទុកវិជ្ជមានជំងឺកូវីដ-១៩ ជាង១០នាក់ ដែលជាអាជីវករលក់ដូវនៅក្នុងផ្សារសមាគមនោះ ត្រូវបានក្រុមគ្រូពេទ្យនាំយកទៅព្យាបាល។ចំណែកអ្នកពាក់ព័ន្ធជាច្រើននាក់ទៀត បានយកទៅពិនិត្យសំណាក រួចបញ្ជូនទៅធ្វើចត្តាឡីស័ករួចហើយដែរ។ជាមួយគ្នានោះដែរលោក អភិបាលក្រុង បានបន្តអំពាវនាវដល់បងប្អូនប្រជាពលរដ្ឋទាំងអស់ បង្កើតការប្រុងប្រយ័ត្នខ្ពស់ មិនត្រូវធ្វេសប្រហែសឡើយ ត្រូវពាក់ម៉ាស់ លាងដៃជាមួយសាប៊ូ អាល់កុលឲ្យបានញឹកញាប់ និងពិសេសត្រូវអនុវត្តតាមការណែនាំរបស់ក្រសួងសុខាភិបាល និងវិធានការរបស់ប្រមុខរាជរដ្ឋាភិបាលកម្ពុជា គឺ "៣ការពារ និង៣កុំ" ឲ្យបានខ្ជាប់ខ្ជួនបំផុត ដើម្បីជៀសផុតពីការឆ្លងមេរោគកូវីដ-១៩ទាំងអស់គ្នា។សូមបញ្ជាក់ផងដែរថា ក្រោយពីរកឃើញករណីឆ្លងជំងឺកូវីដ១៩ ទៅលើអាជីវករនៅក្នុងផ្សារខាងលើនេះដែរនៅថ្ងៃទី១៣ ខែកញ្ញា ឆ្នាំ២០២១ រដ្ឋបាលខេត្តបន្ទាយមានជ័យបានចេញសេចក្តីសម្រេចលេខ ៣១៩ / ២១ ស ស រ ស្តីអំពីការបិតខ្ទប់ការធ្វើដំណើរចេញ-ចូលលក់ដូរជាបណ្តោះអាសន្ន លើទីតាំងផ្សារសមាគម រយះពេលពីសប្តាហ៍ ដោយគិតចាប់ពីពេលនេះរហូតដល់ថ្ងៃទី២៦ ខែកញ្ញា ឆ្នាំ២០២១ ក្នុងគោលបំណងធានាដល់ប្រសិទ្ធភាព នៃការគ្រប់គ្រង ការឆ្លងរាលដាលជំងឺកូវីដ១៩ ក្នុងព្រឹត្តិការណ៍ សហគមន៍ ២០ គម្ភៈ ២០២១៕
ព័ត៌មានគួរចាប់អារម្មណ៍
លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់ (កូនខ្មែរមានរស្មី)
ឯកឧត្តម គួច ចំរើន ដឹកនាំមន្ត្រីជំនាញពាក់ព័ន្ធ អញ្ជើញចុះពិនិត្យមើលទីតាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពីប្រសិទ្ធិភាព នៃការចម្រោះទឹកកខ្វក់ មុនបង្ហូរចូលទៅក្នុងសមុទ្រ (កូនខ្មែរមានរស្មី)
លោកឧត្តមសេនីយ៍ត្រី បោន ប៊ិន ក្រើនរំលឹកដល់ថ្នាក់ដឹកនាំទទួលជំនាញ និងមូលដ្ឋានក្រុង-ស្រុក ត្រូវជំរុញកម្លាំងក្រោមឱវាទឱ្យខិតខំបន្ថែមទៀត ក្នុងការបំពេញតួនាទី-ភារកិច្ច របស់ខ្លួនតាមថ្នាក់លើប្រគល់ជូន (កូនខ្មែរមានរស្មី)
បិតខ្ទប់ផ្សារសមាគម ក្នុងសង្កាត់ប៉ោយប៉ែត ជាបណ្តោះអាសន្ន ក្រោយពីរកឃើញអ្នកវិជ្ជមានជំងឺកូវីដ១៩ ជាង១០នាក់ (កូនខ្មែរមានរស្មី)
កម្មករខ្មែរ ដែលមានជីវភាពខ្វះខាត ចំនួន៥៤គ្រួរសារ ដែលកំពុងឋិតនៅក្នុងតំបន់បិទខ្ទប់ក្នុងភូមិសាស្ត្រផ្សាររោងក្លឿ ប្រទេសថៃទទួលបានអំណោយពីក្រុមអាជីវករ តាមរយះ លោក ហ៊ឹម សុវណ្ណ (កូនខ្មែរមានរស្មី)
វីដែអូ