ថ្ងៃសៅរ៍ ទី២១ ខែឧសភា ឆ្នាំ២០៥០
ទំនាក់ទំនង ចាងហ្វាងការផ្សាយ!
ថ្នាក់ដឹកនាំខេត្តពោធិ៍សាត់ ជួបសំណេះសំណាល និងនាំយកអំណោយជូន ក្រុមគ្រូពេទ្យស្ម័គ្រចិត្តសម្តេចតេជោ ដែលបានចុះចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋនៅក្នុងស្រុកកណ្តៀង និងស្រុកបាកាន
Tue,19 April 2022 (Time 09:13 PM)
ដោយ ៖ (ចំនួនអ្នកអាន: 38នាក់)

(ពោធិ៍សាត់)៖ លោក ពៅ ពិសិដ្ឋ អភិបាលរងនៃគណៈអភិបាលខេត្ត តំណាងឯកឧត្តម ជាវ តាយ អភិបាលនៃគណៈអភិបាលខេត្តពោធិ៍សាត់ នាថ្ងៃទី១៩ ខែមេសា ឆ្នាំ២០២២នេះ បានអញ្ជើញជួបសំណេះសំណាល និងនាំយកអំណោយមកប្រគល់ជូន ក្រុមគ្រូពេទ្យស្ម័គ្រចិត្តសម្តេចតេជោ ដែលបានចុះមកបំពេញបេសកកម្ម ចាក់វ៉ាក់សាំងការពារជំងឺកូវីដ១៩ ជូនកូនក្មួយ និងបងប្អូនប្រជាពលរដ្ឋ ក្នុងស្រុកកណ្តៀង និងស្រុកបាកាន នៃខេត្តពោធិ៍សាត់។

ថ្លែងក្នុងឱកាសនោះ លោក ពៅ ពិសិដ្ឋ ក៏បានថ្លែងអំណរគុណ និងថ្លែងកោតសរសើរចំពោះទឹកចិត្ត ក្រុមគ្រូពេទ្យស្ម័គ្រចិត្ត របស់សម្តេចតេជោ ដែលបានចំណាយពេលវេលាដ៏មានតម្លៃឃ្លាតឆ្ងាយពីក្រុមគ្រួសារ មកបំពេញបេសកកម្មចាក់វ៉ាក់សាំង ជូនប្រជាពលរដ្ឋ នៅក្នុងស្រុកកណ្តៀង ស្រុកបាកាន និងស្រុកដ៏ទៃទៀត នៃខេត្តពោធិ៍សាត់ ទោះស្ថិតក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរក៏ដោយ។ ជាការពិតណាស់ថា ការចូលរួម និងការចំណាយពេលវេលារបស់ក្មួយៗ គឺជាគុណតម្លៃមួយខ្ពស់ណាស់សម្រាប់សង្គម ដើម្បីពន្លឿនក្នុងការផ្តល់វ៉ាក់សាំង ជូនប្រជាពលរដ្ឋឱ្យបានឆាប់រហ័ស និងទាន់ពេលវេលា ទាំងដូសមូលដ្ឋាន និងដូសជម្រុញ ស្របតាមប្រសាសន៍ណែនាំ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លោកអភិបាលរងខេត្តបន្ថែមថា សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា សម្ដេចបានខិតខំស្វះស្វែងរកវ៉ាក់សាំង ដើម្បីផ្ដល់ជូនប្រជាពលរដ្ឋ ដោយមិនគិតថ្លៃ និងមិនមានការរើសអើង រួមទាំងកុមារ និងយុវជនផងដែរ ក្នុងគោលដៅរួមគ្នាប្រយុទ្ធប្រឆាំង និងបង្ការទប់ស្កាត់ ការចម្លងរីករាលដាល នៃជំងឺកូវីដ១៩។

លោកក៏បានផ្តាំផ្ញើ ដល់អាជ្ញាមូលដ្ឋាន ត្រូវសហការប្រមូលកម្លាំងរួមគ្នា ដើម្បីធ្វើយ៉ាងណាឱ្យកិច្ចដំណើរការចាក់វ៉ាក់សាំង របស់ក្រុមគ្រូពេទ្យស្ម័គ្រចិត្តសម្តេចតេជោ ជូនដល់កូនក្មួយ និងប្រជាពលរដ្ឋ ឱ្យដំណើរការទៅរលូន និងទទួលបានជោគជ័យ។

អំណោយដែលត្រូវប្រគល់ជូន ក្រុមគ្រូពេទ្យស្ម័គ្រចិត្ត តាមបណ្តាស្រុកក្រុង ក្នុងខេត្តពោធិ៍សាត់ ដោយក្នុងមួយស្រុកក្រុងទទួលបាន៖ ទឹកបរិសុទ្ធ១០កេស ភេសជ្ជៈ០៥កេស និងថវិកា២០ម៉ឺនរៀល ដើម្បីឱ្យក្រុមគ្រូពេទ្យបានបរិភោគ និងប្រើប្រាស់តាមការគួរ។

សូមបញ្ជាក់ ក្រុមគ្រូពេទ្យស្ម័គ្រចិត្តរបស់សម្តេចតេជោ ហ៊ុន សែន ដែលមកបំពេញបេកកម្មការងារ នៅខេត្តពោធិ៍សាត់នាឱកាសនេះ មានចំនួន៥៥នាក់ ដោយបែងចែកជា០៥ក្រុម លើស្រុកគោលដៅចំនួន០៧ ក្នុងរយៈពេល២សប្តាហ៍ គិតចាប់ពីថ្ងៃទី១៤ ខែមេសា ឆ្នាំ២០២២តទៅ៕

ប្រភព៖ រដ្ឋបាលខេត្តពោធិ៍សាត់

ព័ត៌មានគួរចាប់អារម្មណ៍

លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប​ ចុះពិនិត្យបទ​ល្មើស​តាមព្រំដែន និងស្ថានភាពទឹកជំនន់ (កូនខ្មែរមានរស្មី)

ព័ត៌មានគួរចាប់អារម្មណ៍

ឯកឧត្តម គួច ចំរើន ដឹកនាំមន្ត្រីជំនាញ​ពាក់ព័ន្ធ អញ្ជើញចុះពិនិត្យមើលទី​តាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពី​ប្រសិទ្ធិភាព​ នៃការចម្រោះ​ទឹកកខ្វក់ មុ​នបង្ហូរចូលទៅក្នុងសមុទ្រ (កូនខ្មែរមានរស្មី)

ព័ត៌មានគួរចាប់អារម្មណ៍

លោក​ឧត្តមសេ​នីយ៍ត្រី បោន ប៊ិន​ ក្រើន​រំលឹ​កដ​ល់​ថ្នាក់​ដឹកនាំ​ទទួលជំនាញ និងមូ​ល​ដ្ឋានក្រុង-ស្រុក ត្រូវ​ជំ​រុញ​កម្លាំង​​ក្រោម​ឱវា​ទឱ្យ​ខិត​ខំបន្ថែម​ទៀត ​ក្នុងកា​របំពេញតួនាទី-​ភារ​កិច្ច របស់​ខ្លួន​តា​មថ្នាក់​លើ​ប្រ​គល់ជូន (កូនខ្មែរមានរស្មី)

ព័ត៌មានគួរចាប់អារម្មណ៍

បិត​ខ្ទប់ផ្សារ​សមា​គម ក្នុង​សង្កាត់​ប៉ោ​យប៉ែត ជាបណ្តោះអា​សន្ន ក្រោ​យពីរ​កឃើញអ្ន​កវិជ្ជ​មា​នជំងឺ​កូ​វីដ១៩​ ជាង​១០​នាក់ (កូនខ្មែរមានរស្មី)

ព័ត៌មានគួរចាប់អារម្មណ៍

កម្មករ​ខ្មែរ ដែល​មា​​នជីវភាពខ្វះខាត ចំនួន៥៤គ្រួរសារ ដែល​កំពុង​ឋិត​នៅក្នុង​តំបន់​បិ​ទខ្ទ​ប់ក្នុងភូមិ​សាស្ត្រ​ផ្សាររោងក្លឿ ប្រទេសថៃទទួលបា​នអំណោយ​ពីក្រុម​អាជីវករ តាមរយះ លោ​ក ​ហ៊ឹម​ សុវណ្ណ (កូនខ្មែរមានរស្មី)

វីដែអូ