នាព្រឹកថ្ងៃចន្ទ ទី២៧ ខែមិថុនា ឆ្នាំ២០២២ នៅសាលប្រជុំរបស់អគ្គាធិការដ្ឋានឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សារបាយការណ៍ ស្តីពីសកម្មភាពការងារប្រចាំខែមិថុនា និងទិសដៅការងារអនុវត្តបន្តសម្រាប់ខែកក្កដាឆ្នាំ២០២២ របស់អគ្គាធិការដ្ឋាន និងមានការចូលរួមពី អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីពាក់ព័ន្ធ។នាឱកាសនេះ ឯកឧត្តម អគ្គាធិការ បានលើកឡើងជូនអង្គប្រជុំ ដើម្បីជួយពិនិត្យផ្តល់យោបល់ទៅលើខ្លឹមសារ នៃរបាយការណ៍កិច្ចប្រជ៉ំ ត្រង់ចំណុច ការរៀបរាប់សកម្មភាពរបស់នាយកដ្ឋានក្នុងរបាយការណ៍របស់អគ្គាធិការដ្ឋាន ពុំគួរបញ្ចូលនោះទេ ដោយធ្វើការបូកសរុបសកម្មភាពទាំងអស់នោះជារួម ហើយបញ្ចូលជាសកម្មភាពអគ្គាធិការដ្ឋានវិញ ដើម្បីឱ្យរបាយការណ៍ខ្លឹមសារកាន់តែខ្លី និងច្បាស់លាស់ តែសកម្មភាពនាយកដ្ឋាន គួររៀបចំជាឧបសម្ព័ន្ធដាច់ដោយឡែក អមទៅជាមួយវិញ។ឯកឧត្តម បានមានប្រសាសន៍បន្ថែមទៀតថា នាយកដ្ឋានរដ្ឋបាលសរុបត្រូវមានការ ត្រួតពិនិត្យឱ្យបានត្រឹមត្រូវ ច្បាស់លាស់នូវតួលេខ ដែលនាយកដ្ឋានជំនាញបញ្ជូនឱ្យ។ទន្ទឹមនឹងនេះ ក្រោយពីអង្គប្រជុំបានពិនិត្យ និងពិភាក្សារួចមក ឯកឧត្តម អគ្គាធិការ បានប្រគល់ជូនក្រុមការងាររៀបចំពិនិត្យកែសម្រួលខ្លឹមសារឡើងវិញ តាមស្មារតីអង្គប្រជុំ ហើយប្រគល់ភារកិច្ចជូនដល់ ឯកឧត្តម សរ ភមរ៉ា និងឯកឧត្តម អ៉ឹង ឆែ អគ្គាធិការរង ត្រៀមដឹកនាំប្រជុំជាមួយប្រធាននាយកដ្ឋានទាំង០៦ ដើម្បីរៀបចំទម្រង់របាយការណ៍ថ្មី បន្ទាប់ពី ឯកឧត្តម អគ្គាធិការ នឹងបញ្ជូនទម្រង់របាយការណ៍ជាគោលជូន៕ប្រភព៖ អគ្គាធិការដ្ឋាន
ព័ត៌មានគួរចាប់អារម្មណ៍
លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់ (កូនខ្មែរមានរស្មី)
ឯកឧត្តម គួច ចំរើន ដឹកនាំមន្ត្រីជំនាញពាក់ព័ន្ធ អញ្ជើញចុះពិនិត្យមើលទីតាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពីប្រសិទ្ធិភាព នៃការចម្រោះទឹកកខ្វក់ មុនបង្ហូរចូលទៅក្នុងសមុទ្រ (កូនខ្មែរមានរស្មី)
លោកឧត្តមសេនីយ៍ត្រី បោន ប៊ិន ក្រើនរំលឹកដល់ថ្នាក់ដឹកនាំទទួលជំនាញ និងមូលដ្ឋានក្រុង-ស្រុក ត្រូវជំរុញកម្លាំងក្រោមឱវាទឱ្យខិតខំបន្ថែមទៀត ក្នុងការបំពេញតួនាទី-ភារកិច្ច របស់ខ្លួនតាមថ្នាក់លើប្រគល់ជូន (កូនខ្មែរមានរស្មី)
បិតខ្ទប់ផ្សារសមាគម ក្នុងសង្កាត់ប៉ោយប៉ែត ជាបណ្តោះអាសន្ន ក្រោយពីរកឃើញអ្នកវិជ្ជមានជំងឺកូវីដ១៩ ជាង១០នាក់ (កូនខ្មែរមានរស្មី)
កម្មករខ្មែរ ដែលមានជីវភាពខ្វះខាត ចំនួន៥៤គ្រួរសារ ដែលកំពុងឋិតនៅក្នុងតំបន់បិទខ្ទប់ក្នុងភូមិសាស្ត្រផ្សាររោងក្លឿ ប្រទេសថៃទទួលបានអំណោយពីក្រុមអាជីវករ តាមរយះ លោក ហ៊ឹម សុវណ្ណ (កូនខ្មែរមានរស្មី)
វីដែអូ