ខេត្តបន្ទាយមានជ័យ៖ករណីពុលអាហារ នៅមណ្ឌលភ្នំបាក់ ស្ថិតនៅភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ បណ្តាលឲ្យយុវជនអប់រំ បន្សាបគ្រឿងញៀន១នាក់បានស្លាប់ និងអ្នករងរបួសកំពុងសម្រាកព្យាបាលនៅមន្ទីពេទ្យបានកើនដល់ជាង១៧០នាក់ហើយគិតតាំងពីព្រឹកដល់ល្ងាចថ្ងៃទី១ ខែឆ្នូ ឆ្នាំ២០១៩។នេះបើយោងតាមការអះអាងរបស់អាជ្ញាធរ និងសមត្ថកិច្ចបានចុះទៅដល់កន្លែងកើតហេតុនោះ។លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានប្រាប់អ្នកសារព័ត៌មានឲ្យដឹងថា យុវជន យុវនារីដែលទៅទទួលការបន្សាបផ្តាច់សារធាតុញៀននៅជិវិតថ្មីភ្នំបាក់ ដែលពុលផ្លែត្រសក់ និងអាហារនោះបានកើនពីចំនួន៦០នាក់ ស្រី១៣នាក់នៅពេលព្រឹក ដល់ពេលល្ងាចកើនដល់ជាង១៧០នាក់ ក្នុងចំណោមអ្នកអប់រំបន្សាបជាង៨០០នាក់ ត្រូវបានបញ្ជូនទៅពិនិត្យ សង្គ្រោះនៅមន្ទីរពេទ្យបង្អែកក្រុងសេរីសោភ័ណ និងមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរីខេត្តបន្ទាយមានជ័យ និងមួយចំនួនទៀត រក្សាទុកពិនិត្យ ព្យាបាលនៅក្នុងមណ្ឌលតែម្តង។តាមមន្ត្រីប្រចាំការមណ្ឌលបន្សាបគ្រឿងញៀនបានឲ្យដឹងថា យុវជន យុវនារីទទួលបន្សាបសារធាតុញៀន បាននាំគ្នាយកផ្លែត្រសក់ខ្ចីពីថង់ប្លាស្ទិចមកហូបដូចសព្វមួយដង។ស្រាប់តែនៅថ្ងៃកើតហេតុនោះយុវជន យុវនារីទទួលបន្សាបសារធាតុញៀនបានយកត្រសក់នាំចូលពី ប្រទេសវៀតណាមដែលម៉ូយបោះដុំបានដឹកចែកចាយពីខេត្តបាត់ដំបង និងនៅផ្សារហ៊ុយ ឡេង ក្រុងសិរីសោភ័ណ ខេត្តបន្ទាយមានជ័យជា អំណោយរបស់សប្បុរសជន ហើយយកមកផ្គត់ផ្គង់ដល់មណ្ឌលជាប្រចាំសម្រាប់ធ្វើម្ហូបឲ្យយុវជន យុវនារីហូបរាល់ថ្ងៃ ប៉ុន្តែនៅថ្ងៃទី១ ខែវិច្ឆិកានោះ យុវជន យុវនារីហូបបង្កទៅជាពុលទៅវិញ។លោកអ៊ុំ រាត្រី អភិបាលខេត្តបន្ទាយមានជ័យ និងមន្ត្រីពាក់ព័ន្ធបានចុះពិនិត្យនិងនៅប្រចាំដោះស្រាយបញ្ហានេះ ហើយមានប្រសាសន៍ថា ស្ថានភាពជនរងគ្រោះពុលចំណីអាហារនេះអាចគ្រប់គ្រងបាន។មកទល់យប់ថ្ងៃទី១ ខែធ្នូ ឆ្នាំ២០១៩ បើតាមគ្រូពេទ្យ និងលោកហេង គឹមស៊ត អនុប្រធានមន្ទីរសុខាភិបាលខេត្តបន្ទាយមានជ័យបានប្រាប់សារព៍ត៌មានថា ជនរងគ្រោះបានធូរស្រាលបណ្តើរហើយ អ្នកជម្ងឺមានអាការៈក្អួតចង្អោរ រាគរូស វិលមុខ ទន់សន្លាក់ដៃជើង ជាដើមហើយអ្នកសង្គ្រោះបានឲ្យខ្លឹមស ស្ករសនិងបន្តោងសេរ៉ូមបានធូស្បើយជាបណ្តើរៗផងដែរ៕
ព័ត៌មានគួរចាប់អារម្មណ៍
លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់ (កូនខ្មែរមានរស្មី)
ឯកឧត្តម គួច ចំរើន ដឹកនាំមន្ត្រីជំនាញពាក់ព័ន្ធ អញ្ជើញចុះពិនិត្យមើលទីតាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពីប្រសិទ្ធិភាព នៃការចម្រោះទឹកកខ្វក់ មុនបង្ហូរចូលទៅក្នុងសមុទ្រ (កូនខ្មែរមានរស្មី)
លោកឧត្តមសេនីយ៍ត្រី បោន ប៊ិន ក្រើនរំលឹកដល់ថ្នាក់ដឹកនាំទទួលជំនាញ និងមូលដ្ឋានក្រុង-ស្រុក ត្រូវជំរុញកម្លាំងក្រោមឱវាទឱ្យខិតខំបន្ថែមទៀត ក្នុងការបំពេញតួនាទី-ភារកិច្ច របស់ខ្លួនតាមថ្នាក់លើប្រគល់ជូន (កូនខ្មែរមានរស្មី)
បិតខ្ទប់ផ្សារសមាគម ក្នុងសង្កាត់ប៉ោយប៉ែត ជាបណ្តោះអាសន្ន ក្រោយពីរកឃើញអ្នកវិជ្ជមានជំងឺកូវីដ១៩ ជាង១០នាក់ (កូនខ្មែរមានរស្មី)
កម្មករខ្មែរ ដែលមានជីវភាពខ្វះខាត ចំនួន៥៤គ្រួរសារ ដែលកំពុងឋិតនៅក្នុងតំបន់បិទខ្ទប់ក្នុងភូមិសាស្ត្រផ្សាររោងក្លឿ ប្រទេសថៃទទួលបានអំណោយពីក្រុមអាជីវករ តាមរយះ លោក ហ៊ឹម សុវណ្ណ (កូនខ្មែរមានរស្មី)
វីដែអូ