(បន្ទាយមានជ័យ)៖លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ នៅព្រឹកថ្ងៃទី២៧ ខែមករា ឆ្នាំ២០២៣នេះ បានអញ្ជើញជាអធិបតី ក្នុងកិច្ចប្រជុំផ្សព្វផ្សាយបូកសរុបលទ្ធផលការងារកងរាជអាវុធហត្ថ ឆ្នាំ២០២២ និងលើកទិសដៅផែនការសកម្មភាពការងារ ឆ្នាំ២០២៣ ។កិច្ចប្រជុំនេះបានធ្វើឡើងនៅសាលប្រជុំ ធំ អគារសេនាធិការ បញ្ជាការដ្ឋានកងរាជអាវុធហត្ថខេត្ត ដោយមានការអញ្ជើញចូលរួមពីសំណាក់ លោកមេបញ្ជាការរង នាយសេនាធិការរង លោកប្រធាន–អនុប្រធានមន្ទីរ លោកនាយការិយាល័យ លោកមេបញ្ជាការ–មេបញ្ជាការរងមូលដ្ឋានក្រុង–ស្រុកទាំង៩ លោកប្រធានស្នាក់ការសន្តិសុខ និងនាយទាហាន នៃកងរាជអាវុធហត្ថផងដែរ។ បន្ទាប់ពីបានស្តាប់របាយការណ៍បូកសរុបលទ្ធផលការងាររបស់កងរាជអាវុធហត្ថ សម្រេចបាននៅក្នុងឆ្នាំ២០២២ លោកឧត្តមសេនីយ៍ត្រី បោន ប៊ិន បានថ្លែងកោតសរសើរចំពោះកងរាជអាវុធហត្ថ ដែលបានខិតខំបំពេញតួនាទីភារកិច្ចរបស់ខ្លួនបានយ៉ាងល្អប្រសើរ។ ដើម្បីប្រសិទ្ធភាពការងាររបស់កងរាជអាវុធហត្ថឱ្យកាន់តែល្អប្រសើរ លោកឧត្តមសេនីយ៍ត្រី បោន ប៊ិន ក៏បានណែនាំដល់នាយទាហាន នាយទាហានរង ពលទាហាន នៃកងរាជអាវុធហត្ថទាំងអស់ ត្រូវ១–ត្រូវខិតខំយកចិត្តទុកដាក់នឹងកិច្ចការងារតាមតួនាទី–ភារកិច្ច របស់កងរាជអាវុធហត្ថ ។២–ត្រូវគោរពច្បាប់ គោរពបទបញ្ជា គោរពឋានានុក្រមការងារ គោរពលក្ខន្តិក បទវិន័យទូទៅ នៃកងយោធពលខេមរភូមិន្ទ និងអនុវត្តឱ្យបានត្រឹមត្រូវការគោរពសិទ្ធិមនុស្ស ។៣–ត្រូវបំពេញតួនាទីជាអ្នកដឹកនាំល្អ មានសីលធម៌ល្អ សុជីវធម៌ល្អ និងប្រតិបត្តិល្អនូវវិជ្ជាជីវៈ ក្នុងជួរកងរាជអាវុធហត្ថ ។៤–ត្រូវមានទំនាក់ទំនងល្អជាមួយអាជ្ញាធរនៅមូលដ្ឋាន និងនៅគ្រប់លំដាប់ថ្នាក់។៥–ត្រូវមានកិច្ចសហប្រតិបត្តិការល្អ ជាមួយកម្លាំងសមត្ថកិច្ចឈរជើង ក្នុងភូមិសាស្ត្ររបស់ខ្លួន ។៦–ចូលរួមគ្រប់សកម្មភាពការងារសង្គមនៅមូលដ្ឋាន ។៧–ត្រូវគ្រប់គ្រងឱ្យបានល្អ មធ្យោបាយ បរិក្ខារ គ្រឿងបំពាក់ ដើម្បីធានាបម្រើកិច្ចប្រតិបត្តិការការពារសន្តិសុខ សុវត្ថិភាព រក្សាសណ្តាប់ធ្នាប់នៅមូលដ្ឋាន ។៨–ត្រូវចូលរួមអនុវត្តន៍ឱ្យបានល្អគោលការណ៍ភូមិ–ឃុំ មានសុវត្ថិភាព ។៩–ត្រូវមានសាមគ្គីឯកភាពផ្ទៃក្នុងល្អ មានទំនាក់ទំនងកិច្ចសហប្រតិបត្តិការល្អជាមួយបណ្តាមន្ទីរ អង្គភាព ស្ថាប័នក្នុងភូមិសាស្ត្រឈរជើង ។១០–ត្រូវគោរពស្រឡាញ់ និងបម្រើប្រជាពលរដ្ឋ ស្របតាមទិសស្លោក “នៅឱ្យប្រជាជនស្រឡាញ់ ទៅឱ្យប្រជាជនរលឹក “។ សូមបញ្ជាក់ផងដែរថា នៅក្នុងកិច្ចប្រជុំផ្សព្វផ្សាយនោះដែរក៏មានការបំពាក់ឋាន្តរស័កជូនអាវុធហត្ថថ្នាក់ពលបាលឯក ចំនួន៤រូប ព្រមទាំងប្រគល់ ប័ណ្ណសរសើរជូនអាវុធហត្ថដែលមានស្នារល្អដៃចំនួន ១៧រូប (ក្នុងនោះអង្គភាព ស្រុកម៉ាឡៃ ចំនួន១) និងប្រគល់លិខិត សរសើរ ចំនួន ២២ រូបផងដែរ។ ក្នុងកិច្ចប្រជុំនោះដែរលោកឧត្តមសេនីយ៍ត្រី វង្ស ធី មេបញ្ជាការរង នាយសេនាធិការ បានផ្សព្វផ្សាយនូវសុន្ទរកថា សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធីបិទកិច្ចប្រជុំបូកសរុបការងារកងរាជអាវុធហត្ថឆ្នាំ២០២២ និងលើកទិសដៅ ផែនការសកម្មភាពការងារ កងរាជអាវុធហត្ថឆ្នាំ២០២៣ នៅអគារសេនាធិការដ្ឋាន កងរាជអាវុធហត្ថលើផ្ទៃប្រទេស ជាន់ទី៩ នាថ្ងៃទី១៩ ខែមករា ឆ្នាំ២០២៣៕
ព័ត៌មានគួរចាប់អារម្មណ៍
លោកឧត្តមសេនីយ៍ទោ សិទ្ធិ ឡោះ បានចាត់តាំងស្នងការរង៣រូប ចុះពិនិត្យបទល្មើសតាមព្រំដែន និងស្ថានភាពទឹកជំនន់ (កូនខ្មែរមានរស្មី)
ឯកឧត្តម គួច ចំរើន ដឹកនាំមន្ត្រីជំនាញពាក់ព័ន្ធ អញ្ជើញចុះពិនិត្យមើលទីតាំងអាងប្រព្រឹត្តិកម្មទី១ (PS1) ដើម្បីផ្ទៀងផ្ទាត់ពីប្រសិទ្ធិភាព នៃការចម្រោះទឹកកខ្វក់ មុនបង្ហូរចូលទៅក្នុងសមុទ្រ (កូនខ្មែរមានរស្មី)
លោកឧត្តមសេនីយ៍ត្រី បោន ប៊ិន ក្រើនរំលឹកដល់ថ្នាក់ដឹកនាំទទួលជំនាញ និងមូលដ្ឋានក្រុង-ស្រុក ត្រូវជំរុញកម្លាំងក្រោមឱវាទឱ្យខិតខំបន្ថែមទៀត ក្នុងការបំពេញតួនាទី-ភារកិច្ច របស់ខ្លួនតាមថ្នាក់លើប្រគល់ជូន (កូនខ្មែរមានរស្មី)
បិតខ្ទប់ផ្សារសមាគម ក្នុងសង្កាត់ប៉ោយប៉ែត ជាបណ្តោះអាសន្ន ក្រោយពីរកឃើញអ្នកវិជ្ជមានជំងឺកូវីដ១៩ ជាង១០នាក់ (កូនខ្មែរមានរស្មី)
កម្មករខ្មែរ ដែលមានជីវភាពខ្វះខាត ចំនួន៥៤គ្រួរសារ ដែលកំពុងឋិតនៅក្នុងតំបន់បិទខ្ទប់ក្នុងភូមិសាស្ត្រផ្សាររោងក្លឿ ប្រទេសថៃទទួលបានអំណោយពីក្រុមអាជីវករ តាមរយះ លោក ហ៊ឹម សុវណ្ណ (កូនខ្មែរមានរស្មី)
វីដែអូ